Díli, 08 de Março de 2026, Nono Governo Constitusional liu husi Secretário de Estado das Floresta(SEF), Ministério da Agricultura, Pecuária, Pesca e Floresta(MAPPF) hamutuk ho Membro do Governo no Membro Parlamento Nasional, Autoridade lokal, Estudante UNTL Fakuldade Agricultura, Departemento Floresta no Komunidade sira hotu hala'o Lansamento Programa Re-florestação iha Fatukama, Cristo Rei, Posto Administrativo Cristo Rei, Munisipiu Díli.
Intervensaun Sua Excêlencia Secretário de Estado das Florestas(SEF) Eng. Fernandino Vieira da Costa, S.Hut, informa Objectivo prinsipal husi atividade Lansamentu ne'e atu promove Programa Re-florestasaun hodi asegura Sustentabilidade Dezenvolvimento Nasional hodi hasoru Mudança, Klimatica, iha Timor-Leste, hodi hasa'e konsensia komunidade lokal iha arredores Díli, rekopera fila-fali área kritiku ne'ebé degradadu, Restaura ekosistema ai laran, prevene erosaun no degradasaun, rai, aumenta konservasaun be'e no regula klima, suporta moris komunidade lokal no redus emisaun karbonu no mitiga mudança klimatika.
"Re-florestasaun ne'e la'os atu planta ai horis foun, maibé hanesan estratéjia importante atu restaura ekosistema, proteje rai no be'e no aumenta bem-estar komunidade sira nian ba tempu naruk. Programa Re-florestasaun ne’e komprimísiu ida husi Nonu Governu Konstituisionál, oinsa atu kontinua Re-florestasaun kuda ai-oan ba área kritiku sira iha ita nia Nasaun" dehan S.E.SEF.
Sua Excêlencia SEF, hateten Ita nia rai liu-liu iha Kapital Díli, iha áredores balun ne’ebé kritiku, rai maran tanba ne'e Governu iha responsabilidade atu kuda ai-oan hodi rekopera fila-fali kondisaun rai sira ne’ebé maran. Iha observasaun husi leten ita hare'e foho lolon sira hatudu ho kondisaun husi Cristu Rei ba to’o iha Metinaro ita nia foho sira ne’e kritiku, maran tebe-tebes, tanba ne’e maka Governu iha responsabilidade atu rekopera fila-fali rai sira ne’ebé maran.
"Ita kontinua dezenvolve programa Re-florestasaun kuda ai-oan iha foho lolon sira iha áredores Kapital Díli, ita nia komunidade husi 13 Muninisípiu konsentra hotu iha kapitál Nasaun nian fó presaun ba ita nia ai-laran iha foho lolon sira fó presaun ba fegetasaun áredores Díli sempre akontese, tanba ne’e mak ho selebrasaun lansamentu kuda ai-oan ida ne’e kontiunua kuda ai-oan ba iha fatin sira ne’ebé identifika kritiku no rai maran" hateten S.E.SEF.
Sua Excêlencia SEF, Agradese mós ba liña Ministeriais, Autoridade Lokál, Parseiru Dezenvolvimentu, Estudante no Komunidade sira hotu nia partisipasaun maske atividade ne’e raliza iha loron Domingo ho simples maibé ho sentidu ida katak sidadaun sira hotu iha dever no obrigasaun atu fo protesaun no konservasaun ba ita nia floresta no ambiente iha ita nia rai liu-liu área Fatukama, Dolok oan, Cristo Rei.
Partisipa iha Serimónia, Lansamento Programa Re-florestação maka, Sua Excelênsia Ministro da Agricultura, Pecuária, Pesca e Floresta, Ministra Educação, Vice Ministra ASEAN, Secretario de Estado Terras e Propiedade, Secretario de Estado Cooperativa, Secratrio de Estado Eletresidade, Aqua e Saneamento, Secretario de Estado das Florestas, Membro Parlamento Nasional, Autoridade lokal, funcionanario Direção Geral das Floresta, Estudante UNTL no Komunidade Posto Cristo Rei Díli.
Kontinua Akompania Publikasaun Iha Facebook Official SEF
#Media G-SEF
