Díli, 05 Janeiru 2026|Sua Excêlencia Secretário de Estado das Florestas (SEF) Eng. Fernandino Vieira da Costa S.Hut, Hala'o Abertura ba Formasaun Kapasitasaun Tekniku ba Corpu Guarda Floresta(CGF) husi 13 Munisípiu inklui RAEOA-Oecuse, hodi Kombate no Prevensaun ba Insendiu Floresta ne'ebé akontese iha Teritóriu Nasionál. Segunda-feira ne'e iha Salaun Enkontru Diresaun Nasionál DNSPP.
Iha intervensaun Sua Excêlencia Secretário de Estado das Florestas, informa Corpu Guarda Floresta(CGF), hamutuk 50, Pesoas husi 13 Munisípiu inklui RAEOA-Oecuse ne’ebé tuir Formasaun kapasitasaun hodi halo prevensaun no kombate ba Insediu Floresta ne’ebé kada tinan akontese iha Teritoriu Timor laran tomak.
"Halo mapamentu ba área sira ne’ebé identifika hanesan risku ba sunu rai ou insendiu, tanba ne'e treinamentu ida ne'e importante ho formador ne’ebé mak mai husi Autoridade Protesaun Civil (APC), atu fo treinamentu kapasitasaun teniku atu nune’e ita nia Corpu Guarda Floresta sira iha koñesimentu hodi bele hala’o servisu iha terenu" dehan S.E.SEF.
Sua Excêlencia Secretário de Estado das Florestas, hateten iha tempu bai loron naruk ita nia rai ne’e sempre akontese ema sunu rai, tanba ne’e ita presija iha funsionáriu ne’ebé treinadu iha koñesimentu atu bele kombate no prevene insendiu ne’ebé kada tinan sempre akontese iha ita nia rai.
Sua Excêlencia SEF, husu ba funsionáriu Corpu Guarda Floresta sira hotu tantu Ajente Administrasaun no Kazuais no Funsionáriu Permanente sira hotu ne’ebé mak destaka iha teritóriu tomak atu nafatin hala’o nia funsaun servisu ho responsabilidade nune'e mak ita bele prevene inundasaun no prevene dezastre naturais ne’ebé akontese, tanba impaktu atividade humanu ne'ebé tesi ai no sunu rai arbiru.
Sua Excêlencia SEF, informa Direção Nasionál Proteção Corpu Guarda Floresta(CGF), Direção Gerál Floresta(DGF) implementa programa ida ne’e mai husi orsamentu geral estadu tinan 2025 ninian ne’ebé implementa iha Fulan Janeiro tinan 2026 atu finaliza programa sira ne’ebé planu iha tinan 2025. Espera katak ita nia Formadu CGF sira husi 50 pesoas ne’e bele hetan kapasitasaun tekniku husi ita nia Formador sira ne’ebé mai husi Autoridade Proteção Civil.
Prevene dezastre ne’ebé akontese iha ita nia rai SEF Servisu hamutuk ho SEPC, identifika ona fatin no área sira iha Munisípiu sira ne’ebé mak kada tinan sempre mosu dezastre naturais akontese hanesan Munisípiu Covalima, Viqueque, Manufahi, Ermera, Aileu, Ainaro entre munisipíu sira ne’e maka sempre akontese dezastre naturais mosu inundasaun rai halai kuandu udan tau rai.
"Tanba ne’e maka treinamentu ida ne’e mós koalia asuntu sira ne’e hotu oinsa atu prevene dezastre naturais entaun presija CGF iha koñesimentu par sira bele esplika ba ita nia komunidade sira hotu katak sira mós faz parte iha responsabilidade hodi fó protesaun ba ita nia rekursus florestais iha ita nia nasaun" dehan S.E.SEF.
Aleñde ne’e mós Sua Excêlencia SEF, fó mensajen ba Corpu Guarda Floresta sira ne’ebé tuir formasaun atu rona didiak saida mak formador sira koalia tanba ne’e oportunidade diak ba imi simu matenek ne’ebé formador sira fahe ba imi hodi implementa ba iha imi nia servisu loro-loron hodi bele implementa iha imi nia Munisipiu.
Enkuantu partisipa hodi akompañia Sua Excêlencia Secretário de Estado das Florestas, mak hanesan Diretór Gerál Floresta, Diretór Nacionál da Conservação das Florestas e Dezenvolvimento do Eco- Turismo, Diretór Nacionál de Proteção e Guarda Florestal, Diretór Nacionál de Gestão das Florestas, Bacias Hidrograficas e Areas Mangais, Diretór Nacionál DNSPP, partisipa mós Xefe Departamentu sira no Formador nain rua husi Autoridade Protesaun Civil(APC).
#Média G-SEF
