Liquiça, 21 Janeiru 2025| Sua Excêlencia Secretário de Estado das Florestas (SEF) Eng. Fernandino Vieira da Costa S.Hut, Xefe Depratementu sira no Tekniku sira iha Direção Gerál Floresta(DGF), Hala'o Observasaun Diretamente ba Konstrusaun Muru ne'ebé hetan estragus husi mota hafoin udan bo'ot ne'ebé akontese iha 07 Janeiru 2026, iha Maubara, Munisípiu Liquiça.
Iha observasaun ne'e Sua Excêlencia SEF, orienta ba Kompañia Jonter Furak ho JV Minro Vinda Unipesoal.Lda ho tekniku sira hodi analiza no hadia didiak ho kualidade bainhira halo rehabilita fila-fali ba moru ne'ebé hetan estragus husi mota nune'e bainhira udan tau rai mota tu'un karik labele akontese tan.
Tanba konstrusaun moru iha sentru viveirus permanente ne'e hodi asegura patriomoniu estadu no rekursu florestais ne'ebé iha laran no asegura produsaun ai-horis ne'ebé produs kada tinan-tinan iha fatin refere nune'e bele hetan produtividade ho substentabilidade iha futuru oin mai.
Konstrusaun Moru ba Viveirus Permanente Maubara ne'e hodi asegura mós funsionamentu operasionalizasaun produsaun mudas no asegura rekursu Florestais no patrimóniu estado no asegura funsionamentu servisu funsionáriu Floresta no halao atendimentu ne'ebé diak ba servisu públiku iha fatin refere.
Obervasaun ba Moru haleu Viveirus Permanente ne'e ne'e hotu Sua Excêlencia SEF, akompañia husi Xefe Departamentu no Xefe Teritórial Floresta Munisípiu Liquiça hala'o observa direitamente ba fatin viveirus hodi fo orientasaun ba tekniku sira ne'ebé toma responsabilidade ba Viveirus permanente ne'e labele fahe ai oan arbiru tenke fahe tuir rekejitu ka formatu ne’ebé nu’une komunidade sira ne’ebé foti ai-oan atu ba kuda karik plantasaun tenke iha lutu laran atu nune'e ai-oan sira ne'ebé kuda bele moris, no livre husi animal sira labele estraga.
Bainhira obervasaun ba Moru no Viveirus ne'e hotu Sua Excêlencia SEF, kontinua hala'o obervasaun diretamente ba estabelesimentu turismu natural ka eko-turismu JEJU ne’ebé instala iha Foho Lagoa Maubara. iha eko turismu ne’e iha Uma kultura hamutuk 10 ho espost foto ida no iha mos Ai ida ho naran Ai esperansa ka Pohon harapan ne’ebé moris iha foho leten.
Sua Excêlencia SEF, informa mós ba tekniku sira hodi kuidadu no monitoriza didiak uma sira ne’e atu labele hetan estraga husi animál no tenke halo planu diak hodi hadia diak liu tan fatin refere. Tekniku sira kuidadu didiak obra ida ne’ebé Diresaun Geral Floresta Dezenvolve ona, kontrola mos lutu ne'ebé halaeu atu nu’une animal sira labele tama hodi estraga Ai horis sira.
Fatin turizmu ida ne’e atrai tebes ba futuru sei sai fatin turizmu ida ne’ebé furak tanba iha laletek ida ne’e malirin no estrategia tebes, tanba ne'e Ministériu Agrikultura, Pekuária, Peska no Floresta(MAPPF) liu husi Sekretáriu Estadu Floresta(SEF) sei kontinua dezenvolve diak liu tan nune'e bele atrai Vizitante sira hodi mai no promove ita nia kultura Timor hanesan uma kutural ka tradisional, ba future sei atrai tebes Vizitantes Rai laran no rai liur nia atensaun hodi mai Vizita.
#Média G-SEF.
