Díli, 23 Janeiru 2026|Ministério da Agricultura Pecuária, Peska e Florestas (MAPPF), Liu husi Secretário de Estado das Florestas(SEF) Diresaun Geral Floresta ho  Diresaun Gerál Servisu Coorportivos(DGSC), realiza enkontru konaba Planu ezekuasaun Orsamentu 2026 ba kada Diresaun Nasionál sira iha atu bele ezekuta osan tuir Planu ne’ebé mak iha. Enkontru ne’e realiza iha Salaun MAPPF Comoro.

Iha intervensaun Sua Excêlencia Secretário de Estado das Florestas (SEF) Eng. Fernandino Vieira da Costa S.Hut, informa enkontru ne'ebé kada Diresaun Geral iha Ministério MAPPF, realiza atu koalia konaba ezekusaun orsamentu tinan 2026, no ohin enkontru ida ne'e koalaia konaba kada Diresaun Nasionál iha Diresaun Geral Floresta. Tuir Dekretu Lei no Ezekusaun OGE 2026, iha Kodigu Aprovisionamentu no Kontratu Públiku, tuir Decreto-Lei N°41/2025 de 15 dezembro no Decreto-Lei N°01/2025 de 15 dezembro.

"Objetivu husi sorumutu ne'e oinsa atu bele hasa'e ezekusaun orsamentu ba tinan 2026 ninian, oinsa atu bele iha kooperasaun servisu ne'ebé diak entre Diresaun Nasionál sira mai iha Diresaun Gerál Kooperativos iha Ministério MAPPF, nune'e bele aselera servisu liu-liu proposta sira ne'ebé mai iha Diresaun Geral Kooperativo hafoin enkamiña ba S.E. Ministro MAPPF" dehan SEF.

Aleñde ne'e S.E. SEF, husu ba Diresaun Nasionál Planeamento Monitorizasaun(DNPM), atu labele hare deit mak valor orsamentu ezekusaun maibé tu'un ba terenu hodi hare kualidade servisu tekniku nian iha terenu, bainhira iha proposta dehan produs ai-oan 30 mill, tenke to'o duni numeru ne'ebé iha proposta, tanba ne'e husu ba Diresaun Nasionál sira hotu tenke hatudu kualidade servisu no ezekuta orsamentu tuir programa ne'ebé aprova ona.

Enkuantu, enkontru ida ne'e dahuluk koalia konaba,

 I. Programa Orsamento 2026,

II. Alokasaun Orsamentu Haktuir Klasifiksaun Organika no Ekonómika,

III. Alokasaun Orsamentu Haktuir Programa, Sub-programa no Atividade,

IV. Alokasaun Orsamentu Haktuir Divizaun por Kategoria

V. Alokasaun Orsamentu Kapitál Menor iha prosesu aprovisionamentu

VI. Alokasaun Orsamentu Bem Servisu Corentes iha Prosesu aprovisionamentu

VII. Alokasaun Orsamentu Kapitál  Dezenvolvimentu iha Prosesu Aprovisionamentu,

VIII. Lista Projetus de Retensaun no Reapropriasaun husi OGE 2024 ba OGE 2026.

Partisipa iha Enkontru ne'e Sua Excêlencia SEF, akompañia husi Xefe Gabinete SEF, Diretór Gerál Floresta(DGF), Diretór Gerál Servisu Cooperativa (DGSC), Diretor Nasionál(DNPPMA) no Asesor sira iha MAPPF, Diretór Nasionál sira no Xefe Departamentu sira inklui Finansas sira hotu.