Manufahi, 13 Fevereiru 2026| Hafoin  remata Serimónia Lansamento Exportasaun Tali Musan "Corypha utan" ba Indonesia Sua Excêlencia Secretário de Estado das Florestas (SEF) Eng. Fernandino Vieira da Costa, S.Hut, kontinua ba halao Inspeksaun iha Viveirus Permanente Betano, Munisipiu Manufahi hodi hare diretamente kondisaun Produsaun ai-oan ne'ebé finansia husi orsamento Geral do Estado tinan 2025.

Sua Excêlencia SEF, hateten Objectivu husi inspeksaun ida ne'e hodi hare diretamente kondisaun ai-oan ne'ebé produs ona hodi fó orientasaun ba tékniku sira para nafatin prepara no produs ai oan tuir target ne'ebé planea tia ona, no halo manutensaun nafatin ba ai oan sira ne'ebé produs ona iha viveirus laran hodi nune ai oan sira ne'ebé sei fahe ba komunidade ai-oan ne'ebé iha kualidade diak tuir standar tékniku ne'ebé iha.

Ai oan sira ne'ebé produs iha Viveirus Permanente Betano, Munisipiu Manufahi maka hanesan: Ai Saria,Mahoni, Gaharu, Kiar,Gmelina arborea,Kakeu, Akasia,Kulu,Sabraka no Heda. Ai oan sira ne'e nia funsaun ba Ai Komersial, Ai konservasaun no protesaun, Ai urbana no Ai fuan. Total ai oan ne'ebé produs iha viveirus permanente Betano, Munisipíu Manufahi hamutuk: 16,000 pes no ai oan sira ne'e balu preparado ona atu distribui ba komunidade sira iha Munisipiu Manufahi.

Husi inspeksaun ida ne'e Sua Excelênsia Secretário de Estado das Florestas orienta ba tékniku sira atu nafatin Alista komunidade sira ne'ebé mai foti ai oan hodi nune iha tempu tuir mai Direção Geral das Floresta ho nia tíkniku sira monitoriza ai oan sira ne'ebé sira foti hodi hare no avalia taxa moris ai oan ne'ebé komunidade sira foti.