Díli, 12 Fevereiru 2026| Sua Excêlencia Secretário de Estado das Florestas (SEF) Eng. Fernandino Vieira da Costa, S.Hut, Hamutuk ho S.E. Ministra Edukasaun Sr. Dulce de Jesus no Estudante sira no inklui Komunidade sira Kuda Ai-oan iha Aredores Eskola EBF-Ailelehun, Aledeia Ailelehun, Suku Camea, Postu Administrativu Cristu Rei, Munisípiu Díli.

Intervensaun Sua Excêlencia Secretário de Estado das Florestas, objetivu prinsipal lansamentu kuda ai-oan ne'e atu motiva komunidade no estudantes  sira hodi kuidadu Floresta no ambiente liu husi asaun kuda ai-oan, hanesan parte edukasaun ida ne'ebé eduka  estudante sira hodi aprende oinsa bele kuda ai proteje husi ki'ik to'o bo'ot, nune'e bele konserva rai no bee matan sira hodi prevene dezastre naturais iha rai laran.

"Espesiais ai-oan ne’ebé ohin ita kuda ne'e ho naran Denro SP ne’ebé hetan nia musan husi Jardín by the    husi Singapura no agora dadaun tékniku sira prepara iha sentru viveirus Maubara, Liquiçá, dadaun ne'e ita mai lansa iha Eskola Ensinu Báziku Filiál Ailele-hun ne’ebé sai hanesan lembransa ida no kontinua habelar no kuda ba eskola sira iha Munisípiu sira seluk" dehan S.E.SEF.

Sua Excêlencia SEF, esplika katak eskola la’os atu hanorin deit ho siensia sira seluk maibé mós oinsá eduka estudante sira atu hatene kuidadu nafatin ambiente no natureza atu nune’e futuru estudante sira bo'ot bele iha ona maturidade no konsiénsia hodi fó protesaun ba Floresta, Rekorda mós katak tuir kompromisu IX Governu Konstituisionál liuhusi Sekretaria Estadu Floresta maka tinan ida prodús ai-oan tokon ida.

Enkuantu, bainhira remata lansamentu kuda ai-oan iha Áredores Eskola EBF-Ailelehun ne'e remata Sua Excêlencia SEF, Kontinua hala'o nia Viagen ba Partisipa Serimónia Kultura Tara-bandu ba Komunidade Sira Hotu Atu Konserva no Proteje Rekursus Florestais, liu-liu Ai-laran no Ambiente iha Suku Tibar, Postu Administrativu Bazartete, Munisípiu Liquiça.